己亥豬年將至，農曆新年派利是，係中國人嘅長久文化傳統，寓意如意吉祥，大吉大利。以東港城及上水廣場為首嘅新地十二大商場（包括東港城、上水廣場、北角匯、Mikiki、將軍澳中心、PopWalk天晉滙、卓爾廣場、Life@KCC、荃錦中心、錦薈坊、荃灣新領域廣場及屯門寶怡商場），今年與蜚聲國際嘅台灣纖藝大師劉棟 (Danny Amazonas) 合作，首次將其出神入化嘅纖維藝術作品變為藝術感十足嘅利是封，為市民呈獻「團豚花漾慶新春」利是封。
劉棟大師獨創「即興手繪拼布」(Freehand Patchwork) 技藝，將成千上萬片嘅繽紛花布絎縫成獨創嘅纖維藝術作品，層次與深度超越一般拼布藝術，近看每塊布各有風格，遠看整幅充滿意象，神氣活現，作品之精細讓人歎為觀止！為咗配合豬年來臨，劉大師仲特意為新地十二大商場以福氣滿滿兼可愛吉祥嘅小豬造型，創作出全新嘅藝術傑作，結合其他以金魚、牡丹及鯉魚嘅作品，分別設計成「魚躍嬉春」、「花漾娉婷」、「吉慶團圓」三款利是封及尊貴利是禮盒，祝福大家年年有餘、花開富貴、家肥屋潤、鯉躍龍門！
獨創「即興手繪拼布」細膩傳神 作品獲美國白宮典藏
劉大師早喺八十年代從事瓷磚、木材及石頭嘅馬賽克工作開始，2012年劉老師由馬賽克創作發展至隨意拼縫，獨創纖維藝術領域前所未有嘅「即興手繪拼布」(Freehand Patchwork)技藝。呢種非傳統嘅技術就好似用布塊繪畫一樣，劉嘅畫筆就係旋轉切割器以及針線；油彩係層層疊疊嘅織物。
劉大師自創嘅新技法，以瀟灑粗獷嘅手法，細緻展現出作品嘅光影與立體面，拼湊出巧奪天工嘅拼布作品，近睇能充分彰顯每小塊紡織品嘅自身美感，遠望卻栩栩如生，將動物、花卉、人像等神態活現於觀者眼前。劉大師曾於台灣、日本、法國等地舉辦展覽，亦曾代表台灣創作美國前總統喬治布殊畫像，更獲美國白宮典藏，令佢成為世界各地傳媒嘅追訪對象。
珍珠祥雲紙呈現大師設計 獨特觸感盡顯心思
「團豚花漾慶新春」利是封共設一長兩短三個款式，分別以桃紅、姹紫及香檳金喜慶色澤嘅利是封，配以劉大師創作嘅金魚、牡丹及小豬，再加上「魚躍嬉春」、「花漾娉婷」、「吉慶團圓」熨金字體，設計既高貴典雅，更能突顯新年過節嘅喜慶氣氛。
利是封以珍珠祥雲紙印刷而成，配合熨貼絨毛，材質獨特，令圖案充滿立體感與層次感，遠看自然逼真奪目，拿上手觸感更係充滿驚喜，盡顯派利是者嘅心思與祝福。為迎接豬年，更特別設計「錢包滿滿立體豬仔」利是封，其擁有一雙毛毛耳朵，身上配以色彩鮮明嘅花花圖案拼出可愛風，脹卜卜嘅造型趣緻討喜，備有輕巧嘅掛頸鏈，方便小朋友拜年時隨身攜帶，逗更多利是！
「團豚花漾慶新春」尊貴禮盒 包羅萬有滿載祝福
除咗設計別出心裁嘅利是封外，市民更可換領「團豚花漾慶新春」尊貴禮盒，當中包含一套三款利是封、「花開富貴」仿皮利是袋、新會陳皮普洱茶，以及日本杉養蜂園蜜糖，寓意包羅萬有。禮盒以特選閃紋布印上劉大師設計嘅吉祥鯉魚圖樣為設計，倍添高貴。當中嘅「花開富貴」仿皮利是袋更印上劉棟大師創作嘅牡丹，配合熨金圖案，以多層形式製作，方便將利是妥善分類，美觀又實用。
手工生曬嘅新會陳皮普洱茶甘香濃郁，帶有陳皮香味，既能喺新年大魚大肉後解膩，更有化痰止咳及開胃健脾之效。至於日本杉養蜂園蜜糖歷史悠久，1946年於日本成立至今已有60多年歷史，深受大眾歡迎，為大家喺新春送上甜蜜祝福，願夫妻恩愛和順，有情人終成眷屬。
新地十二大商場x台灣纖藝大師劉棟
「團豚花漾慶新春」利是封換領
換領日期：2019年1月22日（二）至2月4日（一）
換領時間：下午1時至10時
換領地點：東港城、上水廣場、北角匯、Mikiki、將軍澳中心、PopWalk天晉滙、卓爾廣場、Life@KCC、荃錦中心、錦薈坊、荃灣新領域廣場及屯門寶怡商場
「團豚花漾慶新春」利是封換領詳情*
推廣日期內，顧客即日於新地十二大商場以電子貨幣單一消費滿HK$300*，憑商戶發出之即日有效機印發票，連同相關之電子貨幣消費存根，即可換領「團豚花漾慶新春」利是封乙包#；
#利是封備有3款以供選擇，每包內有8個同款之利是封。
*每張發票不論超越指定金額多少，每人每日多只可換領「團豚花漾慶新春」利是封4包。
「團豚花漾慶新春」利是封及「錢包滿滿立體豬仔」利是封換領詳情*
推廣日期內，顧客即日於新地十二大商場以電子貨幣單一消費滿HK$800*，憑商戶發出之即日有效機印發票，連同相關之電子貨幣消費存根，即可換領「團豚花漾慶新春」利是封乙包#及「錢包滿滿立體豬仔」利是封乙個*。
#利是封備有3款以供選擇，每包內有8個同款之利是封。
*每張發票不論超越指定金額多少，每人每日多只可換領「團豚花漾慶新春」利是封4包及「錢包滿滿立體豬仔」利是封4個。
「團豚花漾慶新春」尊貴禮盒換領詳情*
推廣日期內，顧客即日於新地十二大商場以電子貨幣消費滿HK$5,000*，憑最多3組不同商戶發出之即日有效機印發票，連同相關之電子貨幣消費存根即可換領「團豚花漾慶新春」尊貴禮盒乙盒^。
^ 禮盒包括一套3款「團豚花漾慶新春」利是封、「花開富貴」仿皮利是袋1個、手工生曬新會陳皮普洱茶(獨立包裝)1粒及日本杉養蜂園蜜糖(30g) 1樽。
*每人每日最多可換領「團豚花漾慶新春」尊貴禮盒1盒。
